Copyright © 2004 Universiteti BIZNESI. All rights reserved.

l

l

l

l

l

...vend i dijes dhe suksesit

Memorandum bashkëpunimi në mes UB-së dhe TMK-së

U nënshkrua Memorandum  Bashkëpunimi  në mes Universitetit  “BIZNESI” në Prishtinë dhe Trupave  Mbrojtëse të Kosovës.
Trupat Mbrojtëse të Kosovës - TMK, dhe Universiteti BIZNESI janë pajtuar që të bashkëpunojnë në mes vete duke u bazuar në interesat e dyanshme reciproke, e që janë interesa të përbashkëta të shoqërisë kosovare.

Universiteti BIZNESI është i gatshëm që më kuadrot e veta profesionale, të angazhuar në këtë universitet, të jap kontributin e vet profesional sa herë që paraqitet interes nga palët kontraktuese.

Bashkëpunimi reciprok ka të bëj më aspektin e përgatitjes dhe aftësimit profesional të kuadrove në TMK, sipas kërkesave të TMK, tregut të punës dhe interesit të përgjithshëm shoqëror.

Mënyra e bashkëpunimit përcaktohet dhe definohet sipas marrëveshjeve të posaçme, të cilat lidhen nga palët.

Kuptohet se Universiteti BIZNESI do t’i rekrutoj dhe aftësoj kandidatët, të cilët do ti përzgjedhë TMK për profesionalizim në drejtime të caktuara nga profesorët më të njohur, të angazhuar në Universitetin BIZNESI, të lëmive  përkatëse.

TMK do të bashkëpunoj me Universitetin BIZNESI për arsimim të mëtejshëm dhe trajnim profesional për personat të inkuadruar në TMK që kanë interes në ngritje profesionale nga lëmi të caktuara.

Edhe TMK, edhe Universiteti BIZNESI do t’i dizajnojnë programet për interesa të pjesëmarrësve. Programet duhet t’i ndajnë interesat apo të kenë potencial që të bëhen të tilla.

Njëri prej potencialeve  do të thotë të bashkëpunojmë dhe po ashtu të bëjmë ushtrime praktike nga sfera e caktuar profesionale për pjesëmarrës.

Pas përfundimit të kurseve  profesionale teorike dhe atyre praktike, pjesëmarrësit do të pajisen me dokumente valide (certifikata), të lëshuara nga ana e Universiteti BIZNESI dhe TMK.

Duke qenë të varura nga programet, stafi i Universitetit BIZNESI dhe TMK mund të marrë pjesë në programin e komisioneve drejtuese të njërit - tjetrit, duke influencuar strategjinë e ndërtimit të programeve të caktuara.

Palët pajtohen në mes veti që bashkëpunimi mos të jetë ekskluzivisht i dy anshëm. Në raste të caktuara do të dëshirohej që ta zgjerojnë bashkëpunimin edhe më institucionet tjera, më qellim kontributi  të përbashkët në drejtime të caktuara.

Bashkëpunimi do të ketë strukturë organizative të thjeshtë dhe fleksibile.  Stafi organizativ duhet të jetë i përshtatshëm si për TMK, ashtu edhe për Universiteti BIZNESI, dhe të jenë të vetëdijshëm se çka ofrojnë partneret për bashkëpunim.

Universiteti “BIZNESI” -Prishtinë, për pjesëtarët e TMK, ofron zbritje 10%  për studime  bachelor, kurse për studime master 20%.

Prishtinë 10.10.2007