Copyright © 2004 Universiteti BIZNESI. All rights reserved.

l

l

l

l

l

...vend i dijes dhe suksesit

Me 11 Mars 2008 Universiteti BIZNESI organizoi pervjetorin e demostratave `81 ku te ftuar ishin pjesëmarrsit e drejpërdrejt në demostrata: Bajram Kosumi, Hydajet Hyseni Merxhan Avdyli, Kadri Kryeziu.
Në këtë mensë, më 11 mars të vitit 1981, shpërtheu pakënaqësia e rinisë studentore me pozitën kushtetuese të Kosovës. Si tregojnë sot disa protagonistë, ideja për Republikën e Kosovës, që ishte lansuar prej tyre, kishte hasur në përkrahje të gjerë: "Më 11 mars të vitit 1981 i kemi organizuar demonstratat e para në mensën e studentëve, duke filluar nga mensa e studentëve e pastaj kemi shkuar teposhtë. Që në fillim kemi qenë nja 5-6 shokë, të cilët e kemi nisë këtë ide", ka thënë Kadri Kryeziu.
Demonstratat e vitit 1981 sot konsiderohen si periudhë shumë e rëndësishme e lëvizjes politike shqiptare për lirinë e Kosovës: "Pranvera e 81-shit ishte vazhdimësi e '68-tës dhe e përpjekjeve të mëparshme dhe ishte pararendëse e zhvillimeve të mëvonshme që kulmoi me epopenë e lavdishme të Ushtrisë Çlirimtare të Kosovës, me çlirimin e Kosovës dhe këtë ditë që e kemi sot", ka thënë deputeti i Kuvendit të Kosovës Hydajet Hyseni.
Demonstratat e vitit 1981, kishin demonstruar vullnetin politik të popullit të Kosovës. Për këtë arsye, viti '81 sot cilësohet si vit kthese: "Një prej viteve të rëndësishme në historinë e Kosovës, një prej viteve që është quajtur shpesh emnezë historike, një vit i kthesave në lëvizjen politike dhe kombëtare në Kosovë, por edhe për shqiptarët në përgjithësi", ka theksuar Bajram Kosumi, deputet i Kuvendit të Kosovës.
Protagonistët e demonstratave të vitit 1981 i shprehën këto pikëpamje në një takim me studentë të Universitetit "Biznesi" në Prishtinë dhe me një grup studentësh të universitetit nga Durrësi. Takimi u organizua me rastin e 27 vjetorit të këtyre demonstratave.\11.03.08\

Përvjetori i demostratave `81