.::Mirë se vini në Universitetin BIZNESI::.

Palët e kësaj marrëveshje bashkërisht do të iniciojnë, zhvillojnë dhe realizojnë të gjitha format e bashkëpunimit në lëmine e arsimimit, studimeve universitare dhe trajnimeve për të punësuarit në DME dhe në nivelet lokale në Kosovë.

Universiteti BIZNESI me seli në Prishtinë, i licencuar në drejtimin: Menaxhimi i Emergjencave dhe Mbrojtjes në Punë, Menaxhmenti dhe Informatika në Biznes, Bankat dhe Financat në Biznes dhe drejtimet tjera do të bashkëpunoj me DME.
Organizimin dhe realizimin e aktiviteteve të përbashkëta me DME nga lëmi i emergjencave dhe mbrojtjes në punë siç janë: seminare, konferenca, tryeza debutuese, hulumtime, botime dhe forma të tjera të bashkëpunimit.

Për realizimin e objektivave Universiteti i BIZNESIT do te ofroj të gjitha kushtet adekuate sipas standardeve akademike universitare në Kosovë duke përfshirë: kuadrin mësimore akademik, plan-programet dhe tekstet mësimore, sallat për mësim, mjetet logjistike të nevojshme për konkretizim të njësive mësimore etj.

DME me qëllim të realizimit të objektivave, do të ndihmoj në kuadër të kompetencave që ka lidhur me: ofrimin e kuadrove të specializuara (ekspertëve nga DME) për ligjërim në këtë Universitet etj. Sa i përket pjesës praktike të ushtrimeve, ata do të zhvillohen nëpër qendrat e trajnimit që ka në dispozicion DME-ja me një marrëveshje të veçantë.

Universiteti i BIZNESIT merr obligim që nga çmimi real i përcaktuar për një vit studimi, për të punësuarit në DME që janë në kompetencë të këtij departamenti, të bëjë një zbritje vjetore prej 10% nga çmimi i përgjithshëm. Pagesa bëhet nga mjetet vetanake të studentëve (punëtorëve të DME).
Po ashtu Universiteti BIZNESI do të krijoj edhe lehtësira të tjera financiare (mundësin e pagesës me këste) për të punësuarit në DME.
Të dyja palët u morën vesh që kjo marrëveshje të filloj të zbatohet nga dita e nënshkrimit.

Ministria e Punëve të Brendshme Universiteti “BIZNESI”
Z. Blerim Kuçi, Ministër Prof. Dr. Shyqeri Kabashi, Dekan

Prishtinë 05.11.2007